وجه نظرى ف كلام كتير نفسى يتغير
هحاول متكلمش عن شخص بعينه, هتكلم عن أنظمة
مصر الاول هى عبارة عن دوله بيحكمها نظام متخلف بيرجعها ل ورا ,من قبل حتى الاخوان ,بيهتموا ب إية المصريين , انا اقلكوا:
الشباب اللى على القهاوى دول ما بيعملوش حاجة
البنت بقت 20 و لسة متجوزتش
المسلسل خلص على إية
الفلم كان جامد جدا!
شوف الكومك اللى على الفيس, فتحت الess
باسم كان عامل تويت جامدة!
....
الى اخرة من الهيافة!, هى ترفية, بس كتر قوى لدرجة بقى فيها هيافة, بقينا كمصريين مش شايفين غيرة
"إية دة إنت معندكش فيس ,يا راجل إدخل الدنيا بقى" , هو قصدة أخرج منها , دة عزل بالبطىء , عزل لحد ما هنلاقى المصريين مش موجودين على الخريطة,
المشكلة مش هنا , المشكلة إنى كل ما اتكلم مع حد يأكد إن دى هيافة , و إن الإخوان بايظين و إن المسلسلات هايفة , الله! أما مين اللى بيئييدوا الإخوان و الزبالة اللى بيرموا زبالة فى الشارع و اللى موافقين على حال البلدّ, بيجوا منين, و مين اللى لغى عقلهم كدة؟ و لية مش شايفين صورة اوسع لتطوير البلد غير الثورة؟ اعتقد انا عندى نظريه إعتقادية فلسفية فى السؤال الاخير, هما شافوا الثورة شالت النظام القديم فشافوها هى اللى هتحل كل المشاكل,
عايز مرتب زيادة, إضراب و ثورة
عايز معدات , إضراب و ثورة
عايز اى حاجة , إضراب و ثورة
إوعى تشتغل , أوعى تبص لقدام , خليك باصص تحت رجلك , دة اللى عايزينه منك ,
و دة مش حال مصر بس دة الوطن العربى كله, إية اللى واقف قدام المشاريع , عندكوا أيد عامله و فلوس و افكار و بطاله ممكن إستغلالها, ناس مش متعلمه , علموهم اللى محتاجينه فيه و شغلوهم , بصوا للصين و دول اقصى الشرق, حاولوا تتخلصوا من عِرق الكسل اللى بيتورث لكل الناس ده !
اللى أشعل الموضوع دة عندى هو درس" سقط القناع "_عربى 3 ثانوى
بيتكلم فية عن اليوجينيا و اضرارها و خلال النقاش مع المدرس طلع فى نوعين , نوع سلبى و دة اللى اوروبا و امريكا بتعمله فينا و هى محاولة إبادتنا , و الإيجابية زى ما الصين ما بتعمل , من محاولة معرفة مكان الخلل و إصلاحة دون تدخل من اوروبا او امريكا!
و اللى غاظنى زيادة إنى بعد ما رجعت من درس العربى و بعد خروجى من اليوجينيا , الاقى حزب النور زعلان من الرئيس و من حزب الحرية و العداله , يا حرااام , سايبين البلد بتولع و زحلانين من بعض, ما كل واحد فيكوا يعتذر للتانى و تبقوا سمنة على عسل و تحلوا بصفات الإسلام و عَدّوا !
لية كل واحد فيكوا منشف دماغوا و مش راضى يسمع رأى اخوه , هوة دة الدين؟ قلتلى كدة؟ثانية, دين إية اللى بتتكلم عنة , الإسلام؟ دة زى الإسلام بتاعنا , بتاع:
السمحة,
التطور
السمو
عدم رفع الاصوات
عدم إثارة الفتن
و حاجات حلوة فوق بعضها كدة
اة دة واحد تانى عاملينو بمزاجكوا؟!
إذا كان كدة ماشى , بس ممكن تفهموا الناس برا مصر كدة, اصلهم فاكربيننا زيكوا بنرجع ف كلامنا , و إن وعد الحر مش دين عليه , دة عادى كلام ممكن يطلع ف وقت إنفعالى!
إنت بتتكلم ف إية لو كانت البلد أصلا باييظة!
ربنا يحميكى يا مصر!
ليست هناك تعليقات:
إرسال تعليق