في القلب خواطر..: لو كنا نسمع أو نعقل..:
كنت قاعد في مقرأة النهاردة مع بعض الأصدقاء، ووصلنا لسورة الملك، واحنا متعودين بعد ما نخلص قراءة ممكن نتشارك الخواطر حول الآيات وكدة، وكان لصديقي العزيز فريد أبو حديد -اللي معايا في صورة البروفايل ده- خاطرة في آية: "وقالوا لو كنا نسمع أو نعقل ما كنا في أصحاب السعير" حبيت أنقلها..
قال إن كتير من الناس اللي بتعرض عن الحق في الدين أو في الحياة عامةً بيبقى بسبب الحاجتين دول؛ إما إننا مش بنسمع بعض كويس، وإما إننا مش بنعقل كلام بعض، إنك يبقى اللي قدامك بيتكلم معاك ما تسمعوش كويس لإنك بتجهّز إجابة وخلاص، مبتدّيش لنفسك فرصة تتعقّل كلامه لإنك مش حاطط احتمال إنه يبقى مظبوط؛ حتى لو بصينا لآيات في القرآن هنلاقي نفس المعنى: "وقال الذين كفروا لا تسمعوا لهذا القرآن والغوا فيه لعلّكم تغلبون"، وآية أخرى: "ولا تكونوا كالذين قالوا سمعنا وهم لا يسمعون"..
ربنا كرّمنا بالعقل، ما تلغيهوش وتتبع هواك لإن وقتها انت بتتنازل عن جزء فيك من "الإنسانية" إلى "الحيوانية" :)..
