في القلب خواطر..: وجعلني مباركا أين ما كنت..: في سورة مريم، في الآيات اللي بتحكي قصة السيدة مريم وسيدنا عيسى عليهما السلام، قال سيدنا عيسى لما أشارت إليه أمه: "قال إني عبد الله آتاني الكتاب وجعلني نبيا.. وجعلني مباركًا أين ما كنت وأوصاني بالصلاة والزكاة ما دمتُ حيًا.. وبَرا بوالدتي ولم يجعلني جبارا شقيا.. والسّلامُ عليَّ يوم وُلِدت ويوم أموت ويوم أُبعَث حيا"..
من أكثر ما بيشدني هو قوله "وجعلني مباركا أين ما كنت".. موضوع إنك تروح أي حتة تبقى مفيد وبتعمل تغيير، ما تروحش مكان إلا وتسيبه وهو أفضل مما كان وما تقابلش حد إلا وتسيب فيه أثر طيب، ما بتقولش كلمة إلا لها أثر إيجابي، وهكذا، الواحد فعلا محتاج يركّز شوية في كلامه وأفعاله بدل ما حنا تلات تربع كلامنا هفلطة وتهييس :D كلام ملوش أثر يُذكَر، وممكن تقعد في مكان أيام وشهور وسنين وتأثيرك صفر أو تأثير غير مفيد، أو الأسوأ يبقى تأثير سلبي...
صلى الله وسلَّم على سيدنا عيسى..
ليست هناك تعليقات:
إرسال تعليق