مكالمة

الو..أية اخبارك؟... انا كويس الحمد لله ... لسة اهو بنقول يا هادى... فعلا التوفيق من ربنا بس ..مش عار اقولك اية و الله , الغربة هنا مميتة! انا حاسس إني لقيت لوحدي هنا... دا يبقى يوم المنى لما تيجي , ... و الله انا هنا من الشغل للجامعة للبيت , مش عايز اختلط بالناس عشان منساش نفسي ... اه فى جامع هنا بعديلة 3 شوارع , بس مفيش اذان يااة وحشني صوت الاذان...الناس هنا برضوا كويسين بس.. مش مستريح لأي حد .. اه مهو عشان ده مش عايز اعمل علاقات مع حد, ثم انا بقالي هنا 3 اسابيع بس , لسا باقى سنتين و 45 اسبوع انا مش بحسب بس مستني اجعلك...أية قولي .. لأ قولي بالله عليكي ... امي جرالها حاجة ولا أية... لأ؟ امال , .. اكيد مش هتستنى لما انزل فى الاجازة ده لسا فاضل اسبوعين على الكريسماس ..طيب خبر حلو ولا أية,... طب الحمد لله , أية بقى اللي حصل....بجد!لا والله , ازاى! الله ! مش مصدق اللي بسمعوا!! ... اخيرااا!! متتصوريش الخبر ده عمل فىّ إيه إنهاردة !! اقرب اجازة ممكن اجيلك فيها , هجيلك قبل كل الناس ما تنزل اجازة الكريسماس! ..بس ماقلتليش لية قبل ما اسافر! ... خير إن شاء الله.. انتي بجد جبتيلى اسعد خبر, ربنا يخليكى ليا..كدة بقى تخليكى عند ماما لحد ما اجيلك, إبقى طمنيني عليكى اول باول, و انا هحاول اظبّط النت عندي عشان اعرف اوصلّكوا اسهل..سلميلى على ماما ... مع السلامة!